腐敗刑警(The Bad Lieutenant：Port of Call New Orleans) - 遊走正邪之間,尼古拉斯基治代表作

         故仔講尼古拉斯基治(Nicolas Cage)飾演警探Terence McDonagh有一次為救一名疑犯而整親腰骨,以致患上嚴重背痛,要靠吸毒嚟麻醉自己因而沉淪毒海,最後因為負担唔起要又偷又搶.另一方面亦因為一宗滅門慘案而疲於奔命,又要償還女友嘅欠債,整個人受到各方面嘅壓力.
        尼古拉斯基治將呢個角色發揮得淋漓盡展,因為背痛要側起一邊膊頭,生活壓力令到佢成日起黑起塊面又略帶邪氣,但同女友一齊又有天真溫柔嘅一面,角色立體,難分正邪,係佢近年代表作.
        不過結局就麻麻,突然間又破到案,又中波纜,又升職,女友又有咗,簡直係美好人生.如此結局就好似要將套戲草草埋尾,同成套電影格格不入.雖然話導演Werner Herzog係德國電影大師,但我就覺得尼古拉斯基治先係呢套片成功因素.

曉治積曼(Hugh Jackman)新作< Real Steel > 機械人大戰

         若果大家睇過日本漫畫<模型神童三四郎>,呢套戲可能啱你,不過唔係講得一尺高嘅模型,而係八尺高,二千幾磅嘅機械人打擂台.
         故仔講冇耐之後嘅未來機械人打擂台成為新興運動,曉治積曼扮演嘅過氣拳手為咗重振雄風,用一啲三流技術同零件去比賽,過程中為自己攞番尊嚴同打破父子之間嘅隔膜.
         導演係曾執導兩集<  Night at the Museum >嘅Shawn Levy.曉治積曼繼狼人之後遲遲未有新作,電影俠期待中.
         電影2011年11月上映.

導演Shawn Levy(左)和Hugh Jackman

鐵血戰士S( Predators )最新劇照 Predator新形象曝光

        今日收到< Predators >最新現場劇照,呢批相係現場影,冇經後期製作,所以睇落有啲簡陋,不過已經可以清楚見到幾個Predator唔同造型.

       套戲喺美國仲有3個星期就做,但係香港都未知幾時上,唔通要過咗暑假檔期先?都唔知啲發行點諗!

Warner Bros.公佈< Batman 3 >上映日期,內部傳聞演出人選

         日前Warner Bros.正式宣布會安排2012年7月20號美國上映,但選角方面仍在進行,導演會用返上集叫好叫座嘅導演Christopher Nolan,Batman當然會由番Christian Bale做,Morgan Freeman同Michael Caine會做番原本嘅角色,Catwoman就同之前所講一樣由Rachel Weisz飾演,Riddler之前傳過Eddie Murphy同Johnny Depp,不過最後會由Joseph Gordon-Levitt攞到,如果你唔知佢係邊個,佢就係喺< G.I. Joe:The Rise of Cobra >做Cobra Commander嗰個,另外又傳出由Shia LaBeouf客串Robin,不過都係流嘅多.
        最麻煩嘅係Gary Oldman重未答應演出,如果佢唔做,華納都幾頭痕.
 
                                                           麗素慧絲 Rachel Weisz
                            
 

                                                  喬瑟夫高登李維 Joseph Gordon-Levitt 

     

                                                              
                                                                 沙拉保夫 shia LaBeouf

   

特攻巴黎 From Paris with Love --- 皮亞摩洛製造80分鐘緊張刺激

         導演皮亞摩洛(Pierre Morel)上一套< Taken >大獲好評,今次拍住洛比桑(Luc Besson)再下一城,呢套戲雖然得80分鐘,但喺尊特拉華特(John Travolta)出場之後,就不停製造槍戰、追逐、爆炸、死人塌樓,係咁轟炸你,睇到你抖唔到氣.


        套戲動作場面出色,劇情一貫特工片,女角Kasia Smutniak係間諜就意料中事.肥尊扮演特攻Wax搶哂鏡,佢最拿手做呢啲又狂又喪嘅角色,將尊納敦邁亞斯(Jonathan Rhys Meyers)比落去,不過硬係唔明佢點解死都唔減肥,咁肥嘅特工又點跑十幾層樓,追十幾條街!